[محمد الغشام]

,
,
ماعرفْت انّ البردْ ناوي يجرحني الليله
ياصباحي كيف بتكون
مثل ليلي :لا تكوْنْ
معْطفي راح
والأماني في غيابك مو أماني
بس أغاني
أرْتعد والجرح صاح
بس تسولف لي عن الرّعشه
لين طحت

يارحيل البارحه وش بك علي
... ... ... ماتشوف اللي على غيرك يكون
المداين في غيابك تشتكي
... ... ... والمنافي في غيابك كالجنون

من رحيلك صرْت هذري
شف يدي ,!
والأصابع تمسك الالوان بس ترسم على الأرض
تستعين الماءْ من برْد الضلوع
وأرْسمك معطف ,
والبسك ,