[نهار بن ممدوح]

:

:

[poem=font="traditional arabic,7,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الليل هذا شعوره غير والشعر غير= والشوق يسري على افكاري وينتابها

زحمة مشاعر فرح ماباقي الاتطير=وبهّرت دلـــــــــة قصيدي وين شرابها

أبي اليا جيت تسمع حي من له سفير= واخــاف مــن جــيّة مايحسب حسابها

يارب فضلك ومعروفك علينا كبير=بــأمـرك جميع الامور تهـّون اسبابها

سنه وحنا يا با الافراج بك نستجير=نـدعـيك يـارب يـافـعـهـا وشــيــابـهـا

دعواتنا تتجه لك كل ثلث ٍ اخير=لين السماء السابعه توقف على بابها

الحمد والشكر لك وانت السميع البصير=رديــت لــلــدار غــالـيـها وغـيــّابـــها

شوفة سمو سيدي سلطان يمشي بخير=فرحه وصوت الشعر واجب تغـنابها

والدار غنّا سعدها يوم جاها البشير=يوم ان رحـلـة سـموك حطـّت ركابها

يامرحبا وانورت بك نجد سودة عسير= تـبـوك عـرعـر خـُبـَرْهَا مكه شعابها

والشعب كله ياابو خالد كبير وصغير=تباشروا والعذارى تنـقش خـضابها

وماهي غريبه تشوف الناس يمك تشير=أسرت كل القلوب وفزت باعجابها

نفحات جودك يسولفها الغني للفقير=وسيرتـك بالخير نذكرها ونغتابها

تسرف يمينك عطا وتقول ماهو كثير=وتطول فيها على العليا وترقى بها

ياسيدي وانت مالك بالمحبه خشير=غير ابو متعب عمود الدار وطنابها

أنتم هل المجد والعادات عز القصير=ريف المواطن وعز الدار وكتابها

وهذا الوطن مايهمّه ميتين الضمير=اللي تدور على الفتنه وتسعى بها

شامخ بعزم الرجال ولالتفت للصفير=والحق نور القلوب اللي تجلـّـى بها

والدار من دونها حد الحسام الشطير=حنـا ذراهـا عـن العادين وحجابها

اما حياة يكون الفرد فيها جدير=والا شهــاده تعــــز الدار وترابها[/poem]

شعر/ نهاربن ممدوح