اه ياشيخنا فراقك يؤلموا ... والقلب لرؤيتك يحلموا ...
الا يالله بك امنت ولك اعلنتها طاعه
ابكتب من دموعي بحور ابرثي شيخنا فيها
يامحيي الميت لك اذعنت وروحي حيل مرتاعه
بعد فقدان كل النور؟ عيوني كيف اداويها
يا نور عيوننا لا هنت يا شيخ اسدل شراعه
عشان يقودنا ببحور تغرقنا بلاويها
لكل اخطائنا بينت ونفسك حيل مناعه
عن الاثام ويا الجور بعيده عن موانيها
الا يا بوي عزي انت اثاري الدنيا خداعه
بعد عشرة الم وشهور عيوني الدمع يعميها
سكنت بخافقي واسكنت دين الحق واطباعه
رحلت ابعيد عن هالدور لدار الخلد تبغيها
عملت بدنيتك واحسنت تركت المال واطماعه
تركت افعال اهل الزور والاحقاد وراعيها
سكنت بدنيتي هيمنت بترك الكذب وخداعه
تركت الزيف لاهل البور شموع الاثم تطفيها
وفيت بدنيتك ماخنت امانة رب هالساعه
زرعت الحق وسط صدور كان الاثم يكسيها
مع زود الالم ما لنت رغم تعذيب اوجاعه
تبين بسمتك بسرور تطمن ناس تغليها
رحلت وللفرح اكننت فراقك دنيا جزاعه
الا يارب ويا الحور بن أيتام ينصيها
الا يالله بك ايقنت ونفسي دوم طماعه
بدعاها لشيخنا المبرور صدق احساس راعيها
طلبتك خالقي بس انت تطمن خلق ملتاعه
وتسكن شيخنا المغفور له باذنك اعاليها
تصبر الولد والبنت من اهل الشيخ واتباعه
وتصبر قلبي المخطور من الاحزان وطاريها
غفر لك ربي يا من كنت ابو قدعزنا ذراعه
بدار الخلد يا مامور من اول من وطى فيها
الا يالله بك امنت ولك اعلنتها طاعه
دعيت لشيخنا المعذور اجب يالله داعيها
تركي المترك ...