ليه يا جده تخيلتك عظيمه ؟؟
وصحت غيـــــــــــــر !!
وانتِ أول من طعن قلبي ..
بسكين الفراق
وقلت ..خير !!
* * *
جده هالليله غريبه ..
ماهي ( غير ) !!
صايره اكبر واكبر
( عاجزه ) اكثر واكثر !!
جده ( طير ) !!
قصّصّوا جنحانه الليله وراحوا
واطلقوا فيني سراحهُ
وما يذل الطير ..
إلا من قصّصّ جناحهُ !!
.
.
جده هالليله حزينه
تنتحب تسألني عنك
جده هالليله مدينه
خاليه ( منك ومنك ) !!
لا شوارعها شوارع ..
لامبانيها مباني !
ولا لهذا البحر أول ..
ولا لهذا الليل ثاني !!
.
.
جده هالليله طفت !
بعيونها كل الشموع
جده هالليله غفت ..
مايصحيها غياب .. ولا ( رجوع ) !!
زينب الشهري
التنومية