[مفرح العنزي]

السلام عليكم ورحمة الله وبركاته وبعد
اخواني واعزائي الكرام اعضاء منتدى أبعاد ادبيه والزائرين له اتشرف بالانضمام الى منتداكم القيم هذا وارجوا ان استفيد وافيد من خلال المشاركات بهذا المجلس الراقي وكما قال المثل(المجالس مدارس ) وتحياتي للقائمين عليه

اخواني هذه اول مشاركه لي بهذا المنتدى الطيب معكم ارجوا ان تنال استحسانكم وهي رد على قصيدة اخي وصديقي ( سعد المطلق )
[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هلا بالصاحب اللي بالضماير عندنا له شان= سعد مطلق عزيز النفس مايوذيه يوذيني
صديق(ن) يذكر المعروف لوهي كلمتن بلسان= بعيد الناس والا من بنيخيه القريبني
اعرفه من قديم الوقت لاجاحد ولاخوان= نظيف القلب ماله مثل بعض الناس وجهيني
يابن مطلق ترى بعض العرب لاسمعت القيفان= اتفسرها على غير المعاني مثل لعب الورع بالطيني
نصيحة مخلص(ن) مثلك يحب اربوعه الويلان= هل الشيمات والنخوه عمى عين المعاديني
تجنب من يغث الكبد بهروجه مع العربان= هل النمات والغيبه مراسيل الشياطيني
حقود القلب لو ضمه معاك الفخذ بالدهمان= تبعد عنه ماينفعك لادنيا ولاديني
تجود في صداقة من يحبك لاريا قصده ولاطمعان= الليا منك نخيته جاك لوهو من ورى الصيني
الا جعلك عرفت المخلصين وشلة العدوان= عقب ماحرفوا زين المشاعر منك للشيني
وابرجع وامدح العزوه واشيد بربعي الويلان= ولاذم القبايل لوبها ناسن ردييني
حشى لله ماقوله وانا مفرح ولد قيران= اخاف الله من يوم عليه تشهد ايديني[/POEM]