[نهار بن ممدوح]

اقتباس:المشاركة الأصلية كتبت بواسطة عبدالله سماح المجلاد

إلى ذلك النحيل الأسمر الذي ملاء فضائات الشعر أبداعاً لايعرف حدود،لإلى صاحبي وأخي الشمالي الغالي خالد صالح الحربي(ومثلك جبل ياخالد)(وختاماً كل عام والأبعاديين جميعاً بألف خير وعافيه) وهذه المشاعر شعراً جائت بدون ترتيب مسبق

ــــــــــــــــــــــــــــــــــــــــــ
صاحبي ما نالت الريح من شمّ الجبال=وأنت يـاخــالد جبل ماتؤثـر فيك ريح
لا تدوّر لـــي إجـــابه على أغرب سؤال=بالنهايه (يــــا عَلَم) مـا يصـــحّ إلاّ الصحيح
أنت تبقى المبدع ،العــذب ،والنبع الزلال=من زُلا لك كُـــلْ ضــــامي ( يِعِلّ ويستريح)
شاعرٍ ما تسقي أرض القلوب إلاّ الجمال=تَـــأ خذ أجمل وجــــــه للشعر وتكبّ القبيح
لا يضيق الصدر والصدر يـــا خالد شمال=والشمالي صدره أوسع من الكون الفسيح
أعْرٍفْ انَ العقل تغتالـــه كفـــوف الهبال=وأعْرِف أن المبدع لْخـَــاطِر إبـداعه جريح
وأعرف أن الشمس تَقْصُر،ويمتد الظلال=وأعْرِفْ إن الظلم مـوجود من قبل المسيح
وأنت مــبدع مـَا بَهَـا شَكّ أو كَثْرَةْ جِـدال=وأكثر الأسماء يــا صــاحبي بـا لشعر (ميح)
وكُلّ مَا يــأتي للا بداع يــا خــالد مجــال=روح شِعْرَك حيــّه وغيرهـــــا وسط الضريح
أنت شاعر مُبدع إجتزت أفـاق الخيال= في فضــاء الشعر (شِعْر) النبــط ولاّ الفصيح
ذنبك أنّك مرهف إحساس في عصر ال؟؟؟؟=عذب مَــا تَعْرِفْ تهايط ولاَ تَعْرٍفْ تصيح
صاحبي ما طاح من روسنا غير العقال=وفـــــارسٍ مثلك مــن الصعب يــا خالد يطيح
والقصيده( ذي كِـذَا) جت بلحظة إرتجال=من شمـــالــي والشمــالي نَقِيْ قَلْب وصريح

المدرسه عبد الله سماح المجلاد

نص مدهش وأكثر من رااائع

فيه من الشعر والشعور مايجعله
يغرد خارج السرب

ابو بسام في هذا النص كتبت هموم
الكثير من الشعراء
لله درك على هالجمال

سلملي عليك وعلى خالد صالح
وكل المبدعين

أنا يوم اشوف الشعر حاله لحقه قصور
..............................احس بمصابه في خفوقي يعذبني
تولتــه ناسٍ تجهـــل انــه يجــي مكسور
..............................اذا منت معيه فأنت تبغى تحاربني
تـقـول انها تـبني وهـي توهـم الجمهور
..............................وهي لابغيت الصدق تهدم ولاتبني

ودي وتقديري