[حنان العصيمي]

المشاركة الأصلية كتبت بواسطة سكون

جفني جفا ماغطّت العين بنعاس
أسهر مع كل النجوم المراويس
وأخطّ زينات المثايل بالأطراس
على جداول دارجات الهواجيس

قلبي شفوق أضنى به البعد والياس
أطلب رجا من لا رجا والرجا ليس
ما ترحم المشتاق يا عذب الأجناس
تسقيه من بعدك هموم و هواجيس

شفنّي كما غصن سواقيه يبّاس
هل كيف ينبت والسواقي يوابيس
وإلا كما حرٍ على كفّ حبّاس
خفّاق وإسبوقه قصار المحابيس

إنته هوى قلبي وروحي و الإحساس
وإنت الذي لك في فؤادي مداسيس
لو كان في وسط المعاليج عكّاس
لا شفت شخصك داخل الروح يجلّيس

ينام خالي القلب وإن صابه انعاس
وأنا وقلبي بين هاجس و رمّي
لا باس يا جفنٍ جفا النوم لا باس
وقلبٍ يجسه في هوى الشوق جسيس



للصوت الجريح / أيضاُ

صحت يدين اللي نقلت ، فديتج
ولبو خالد بعد احلى اغاني البؤس والشقاء
ولج


انادي والصدى ردد نداي انادي بصوتي المبحوح
حبيبي كل شي بعدك وراي ابيك وخاطري مجروح
قريب انته وبعيد ... وفي بالي الوحيد
وحبك دنيتي وآخر مداي
انادي انادي ... انادي والصدى ردد نداي

نعم نعم ... نعم مشتاقلك وقلبي يبيك ومحتاجلك
كثر ما غبت انا مشتاق .. حبيبي الفرقى ما تنطاق
قريب انته وبعيد ... وفي بالي الوحيد
وحبك دنيتي وآخر مداي
انادي انادي ... انادي والصدى ردد نداي

يا غربة ايامي وسنيني .. وينك ؟
بعدك سكن كل الحزن روحي
عطني من وقتك صبر بشتكي لك واشتكيك
انت يا كل العمر هذا عمري بين ايديك
قريب انته وبعيد ... وفي بالي الوحيد
وحبك دنيتي وآخر مداي
انادي انادي ... انادي والصدى ردد نداي