[عبدالرحمن الزهراني]

بدون مقدمات

الى الجوع :

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
احس بالجوع .. يطويني=ملعون ابوالفقر والحاجه
يا "هيل" والجوع فـ .. يديني=وملامس ايديك محتاجه
يا جرح لو للزمن ديني=متى على الله نتواجه
لوكان غيبَتْه تغريني=ما كن قلبي على صاجه
حُرقه .. وشوقي يبكيني= والدمع يكفيه ثجاجه
اضيع والدرب يهديني=طوّقني الشوق بسياجه
والنوم لو زل في عيني= ما لاح للرمش مزلاجه
ياليت ما بينه وبيني=حب ٍ ولذته بزعاجه
وارتبه .. لين يغريني=لعبه ومزحه واحراجه
واعلّمه كيف يغويني=شاطيه والبحر وامواجه
انفاس لنفاس يهديني=عطره ولوله وارواجه
اللي ملكني ومشقيني=وانا ادوّر على ابهاجه
سلطان بين السلاطيني=له صولجانه وله تاجه
يغيّبه .. حظي الشيني=واعلّم .. النور وسراجه
ياليت للصبح .. يمديني ؟=اهديه شعري وانتاجه
في غيبته كل ما فيني=جرح ٍعجز غيره علاجه
يالله عسى لا يخليني= واموت من قبل نتواجه[/poem]

فيينا 5 اكتوبر 2009