منتديات أبعاد أدبية - عرض مشاركة واحدة - مقهى عتب
الموضوع: مقهى عتب
عرض مشاركة واحدة
قديم 10-14-2009, 09:00 PM   #1
أحمد موسى الغامدي
( شاعر )

الصورة الرمزية أحمد موسى الغامدي

 






 

 مواضيع العضو

معدل تقييم المستوى: 17

أحمد موسى الغامدي غير متواجد حاليا

افتراضي مقهى عتب


مساء الخير للجميع



:
"
:


الا على طاري الغيمه وشهر الصيام
اليوم مرت سنتنا والسما صايمه

والوصل جفت ينابيعه وسال الملام
يرمي عل حضي المتعوس بـ اللايمه

والشعر طفلن تهجى من غيابك ملام
ما غير يجمع قصيد الحزن ويلايمه

وش يلبس الشوف لا غبتي لعيد الظلام
وش يهدي البحر للمركب وهي عايمه



مقهى عتب



جيتي وشبيت شوقي لأغنيات الدروب
من كان يحلم رماد الشوق فيني يشب

الليل طفـــلن تغافلني ويده لعوب
تقطف من الصبح تفاحه وتعصر عنب

يا نافل الجيد عطرت المسا والغروب
انداح عطرك على ورده وشفة قصب

النهر ضامي على ثغرك ومملي هروب
لا له منـــــابع ترويًنا ولا له مصب

شفني جبال الجليد الى تـــهاوا تذوب
تسقي نخيلك حناني لين يروى رطب

قمتي... تولمت لوداعك وفجر الشحوب
قمت اقطف العين من شوفك والم الهدب


كن الموادع علينا من كبار الذنوب
والدرب يا الي يودينا تواقد لهب


رحتي وطاح المسا يرثي بياض القلوب
صار المدى حانة اوجاعي ومقهى عتب

كم قلت لك تبت يا ليلي وليتك تتوب
انت الذي جيت تسهرني وكنت السب



شرفة تعال


رحت واخضر في قلب الدفاتر حنين
كثر ما لاذ يانفاس الهجير الضلال

مر شهرين من رحتي وراحت يدين
تفتح ابواب من تكفا... لشرفة تعال

اعشب الياس واورق للمسا ياسمين
وازهرت ضيقة البال يا بن الحلال

اه وابطا زمانك بين هجر و (بين)
كل ما مالت الضيقه على الصدر مال

حزن وابتل في صدر الكناري الحزين
رفرفت به شفاه الناي غيمه وسال

كل ما ابغى انام وما غفت منك عين
رذرذ الليل يندى من طيوفك وصال

حج شوفي وانا ما بين سوسن وتين
صحت لبيه... يا حلم البنفسج تعال

روح لاخر سواد البعد درب وسننين
بس لا تكسر ايد الضوء و الاحتمال
"

شكرا من القلب

 

أحمد موسى الغامدي غير متصل   رد مع اقتباس