[محمد السالم]

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
سولفي له يا اكّرم الرّيح في هذا الصدد = عن حبايب بالجفا عن محب لهم قووا
له ليال يعطر يدين شوقه بالودد = ويشعل الآفاق حبٍ ولا ليلة ضووا!
ويبتدي من غد يومه بلامال الجدد = ولا نوا فيهم قطيعة مثل ماهم نووا
من كثر ماحسّ ضعفه ؛ رأى مثلك مدد = صار صدره رأس رجمٍ به ذيابه عووا
ألعبي في رجم صدره لك أضلاعه هدد = مُشرعات بالوفا لين جافينه رووا
هبّي رياح العصاري ولا تحصي عدد = كثرة أغصانٍ ورى مشّة أضلاعه ذووا
جفّة التربة من الما وغار بها الخدد = وكل ماحدّر دلائه ورى حزنه هووا
جمّع آماله بصدره وضاعت به بدد = وصار داوي بالوهم مثل ما آماله دووا
مدّ حبله للروى وأجتذب منهم لدد = وأرتوى منهم عطش في رشاه اللي لووا
أه يا ريح العصاري ورى هذا الصدد = ماحوى صدره لهم ليتهم مثله حووا [/poem]