السلام عليكم
تاملات وحديث مع النفس قبل دخول شهر رمضان
اللهم بلغنا رمضان
وهنا كتابيه
ساعة صفا يانفس قبل الغروبي
واليوم جمعه نايمين الشياطين
يا أمره بالسوء طبعك لعوبي
اتبع هواك ولا سألتك على وين
وان قلت لك هيا نتعاهد وتوبي
سوفتي الموضوع بعدين بعدين
لكن وصلنا مفترق للدروبي
ومايقدر الانسان يختار دربين
تجردي من عاطفتنا وذوبي
قولي وانا احسك بكل الشرايين
قالت ترى بدري ويادوب دوبي
الوقت بدري والهوى يتبع الزين
تعال نحسبها ذنوبك ذنوبي
وعذابنا واحد ومخطين ياثنين
ابليس لو سوى عصابه ولوبي
باقي ثمان ايام يربط بحبلين
مقبل هلال الخير صوبك وصوبي
شهر رمضان يكفر ذنوبك سنين
اللي ستر عن شامت الناس عيبي
قادر يثبتني على الصدق والدين
ومن فرحتي رديت يدي لجيبي
كل الزقاير دستها دوس رجلين
هبي علينا يارياح الهبوبي
من ريحة الجنه مهي بالخماسين
الصوم جنه والصيام محسوبي
يارب بلغناه يارب امين