[عبدالله متعب الحربي]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الحزن وجروح الليالي والسهر والدين = وقلبي ليا من هدّه الشوق وغدا في حاله

تجبرني افتح دفتري واخط لي شطرين = واجرّ مسحوب القوافي وارتجل مواله

والبارحه أسبلت لك من مقلتي بيتين = يومنّ عينيني غمام ودمــــعتي سيّاله

مخنوق جداً يا بدر وبخافقي جرحين = يا ليت لي حيله على جرحي وانا احتاله

يا وجد حالي يا رفيقي من سواة البين = واذا غمرني طيف منهو غيبته قتّاله

الفارع اللي لا انثنى فيه الغنج واللين = غصنً سقاه الغيم من نوّه ومن همّاله

ماخذ من اوصاف المها توساعة العينين =ومْن الضبا خطوه ليا من جفّلته ظْلاله

يغري حكاه اليا حكى من شفّتين التين = واليا ضحك يسقيك من حلو الشهد ببياله

وبه روح طفلً ما قوا ينطق له بحرفين = يعني براءات الطفوله كلها باخصاله

الله يشهد انه الاول من الغالين = وان الحياة اللي بدونه وضعها يرثاله

والله يبيحه كيف يقطعني كذا شهرين = لا والمصيبه قاطعً ومقفلً جواله [/poem]

/
\
عبدالله متعب الحربي