[عبدالله فارس]

(1)

باقي أمل

إن الجراح :
تقدر تداويها السنين

وان الرياح :
تقود دفة مركبي لمرسى الحنين

وان الحزين : يفرح .. ولا يبقى حزين

...

(2)

باقى أمل

إن الحقيقه :
أجمل من اللي نشوفه بالخيال

وان الدروب :
بقد ما فيها قبح .. فيها جمال

واذا تجاهلنا التعاسه نقدر نعيش المرح
وننسى الجراح .. ولا عاد نسأل من جرح

...

(3)

باقي أمل

إن الوفا باقي
وان الجفا بعد تلاقي
وان الورود اللي تبي تذبل
ما راح تذبل .. وتلقى لها ساقي

...

(4)

باقي كثير من الأمل
وباقي كلام ٍ ما كمل
غالي علي مثل القصيد

باقي ألاقي حب ثاني من جديد
أحب . أعشق . أنتظر . أشقى , ولكني سعيد

...

(5)

باقي أمل

لو كانت الدنيا درج .. نرقي
نتعب . نكافح . نجتهد , وجباهنا عرقى

ما فيه راحه غير من بعد التعب

واصبر , وأصدق من يقول :
لو كانت الدنيا درج
( الصبر مفتاح الفرج )


=====================



عبدالله فارس