[متعب المضعان]

المشاركة الأصلية كتبت بواسطة عبدالله الجزلاني

..

أحبتي .. أعضاء أبعاد ..... الكرام

أعتذر عن غيابي في الفترة السابقة .. وإن كنت أتمنّى أن تكون عودتي بمشاركة تتحدّث عن مناسبةٍ سعيدة

ولكـنـه ... القدر ..

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]لا قام عَبّاد الصنم يبطش وبانت نيّته = مدري نسلّ سْيوفنا .. والا نسلّ اقلامنا ؟!
والا نقول النيّة اللي من سنين امبيّته .. = ما غير شرٍ يدّرِج في روسنا واوهامنا
ونْعيش في قصر الرخا عسى ما تقصر فيّته = وإن ميّلت نرسم على بارد ثراه احلامنا !!
تلقى ولدنا لا بلغ عشرين ربّى إلحيّته = أما جلس في مسجده .. والا وقف قدّامنا
ما هوبـقرمٍ قام يمحي بالحساني سيّته = وألا حكيمٍ جا يعلّمنا جميع أحكامنا
ولّى زمان الفارس اللي محزمه جنبيته = متى العقول تصير في وقت اللزوم احزامنا؟
جتنا العدا تختال والنصْر إنتحرّى جيّته = يا شعبنا .. يا أمة الإسلام .. يا حكّامنا
من لامنا لو يعتبر بنت العراق ابنيّته = إن كان قال من القهر .. يا لعنبو من لامنا !
حنا نشيل اقلوبنا على يدينا ميّته = ما ودّنا الا بالممات اللي يعزّ إسلامنا
العام صدام إرتقص .. يوم ارقصت جنيّته = واخذ حلال اكويتنا ..بعد ما حط أقسامنا
قمنا سوى .. نقصر هقاويه وْنِكفّ إيديّته = وإنشاركه مرّ الهزيمة .. لا طعنّا اجسامنا
واثر الطمَع يستاق ناسٍ في الحياه امهيَّته = ما ظهّروا صدّامهم .. لين إرثعوا في شامنا
واليوم يوم القوم قالوا : موتته عيديّته = لا والله ألا يا عرب .. صدامنا .. صدامنا
مير المصيبه وش بلا المسلم فقد هويّته = ما عاد تسعفنا على قطع الدروب أقدامنا
أحدٍ تشبّه بالعجم .. ما تنعرف جنسيّته = واحدٍ قبل نشريه بايِعنا على من سامنا
وإسلامنا شيعيّته قامت على سنيّته = مدري متى نركز على كل الديار أعلامنا ؟
ما دامنا قرّاية التاريخ من مطوّيته = تبا تطول السالفة على لحن ( ما دامنا ) !! [/POEM]

..

عبدالله


الله واكبر عليك


وصح السانك

الى ان تقوم الساعة


اصبت قلب الهدف

قصيدة واقعية من شاعر ٍ غيور اتت في الصميم

لله درك من شاعر


ودمت ودام ابداعك السامي


متعب