[الجفول]

المشاركة الأصلية كتبت بواسطة مخلد الغنيم

●إيماءة: كلنا لايحب الرحيل لكن ..عذرا لغيابي
ــــــــــــــــ
بعد انتظار ودمْـع..
... وش خانة الكحلة
● ●
ياليل طف الشمع..
...حانت معك رحلة



[poem=font="traditional arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جيت من حسرة أحزانك بطرف ٍ كسير= لا احتفل بك مكان ..ولا التفت لك حضور
خانتك خطوتك والا جهلت المسير = ياآخر الواصلين,,وجيت ماانت امْـعذور
صرت ماعاد تغريني بشي ٍ يثيـر = بعد طمس المشاعر واندثار الشعور
يااجْمل الورد مالك في طريقي عبير= بعد علمي بما تخفيه .. (والعلم نور )
كنت اناديك واسراب الاماني تطير= انظم اوهام مجدافي ،،وياسي بحور
كنت ظاميك.. ليه ألغيت دور الغدير؟! = كنت ساريك.. ليه اعطيت ظلماك دور ؟!
شلت لك من عفيف الحب شي ٍ كثير = اثر مازادك اللي شلته الاّ غرور
كنت منظومة آمالي وحلمٍ كبير = وارجع بوصل عمره مثل عمر الزهور
دامنا بــاوّل الرحلة وجيت الاخير= مامعي لك بقلبي تذكرة للعبور
فات وقت العتاب وحان وقت المصير = ضاع بك حب لايمكن عليه العثور
للعزا قلب ماتلقى لبوحه نظير = نادر ٍ كنّ ماشالت مثيله صدور
ارحل وخذ معك حزن الظما والهجير = واترك ايام عمري للهنا والسرور[/poem]


وسلامة قلوبكم ,,,

لا شي جديد سوى ما تعودناه منك سيدي الفاضل هنا الأبداع يتجلى بأبهى صوره

ونص اكبر من أي أشاده مني

في أنتظار ما تجود به قريحتك الفذه وأنا على يقين بروعة ما ستسطره مستقبلا
كنت ولا زلت من عشاق هذا الحرف ومن المتابعين لتلك الشاعريه الصادقه

تحياتي