[شيخه الجابري]

[poem="font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]نشفَت عروقي وأنا أتريَا نباك= لا خبر.. لا مر طاري ،لا رآك
لا زوايا في عروقك تلتفت = لا مطر، لا نار،لا عطر ارتباك
لا شعرت بروح يا كلها الشقا= لا ،ولا،مرّك حنين،ولا صَحاك
يا بعد كل الخلايق يا غلا = يا مثبّت بين ضلعيني غلاك
بي وله بي شوق ينحت مهجتي= بانت آثاره على صمتي هلاك
شوف لمساته على نبضي نُوى= كلما مرّت تباشيره ضماك
من سكن بين الحنايا واستقر= من تسلل في سما روحي سواك
من عزف من صادق دموعي لحن= من رويته من شعورك وارتواك
من نقش في داخل أحداقي صور= من رسم أجمل تصاويره هواك
خذتني دنيا كثيفه من الوله = كم همسِ في مداينها احتواك
ليت ما مرّت ثواني واحْجبتْ = بعض نورٍ مِنْكْ أو خبّت ضياك
يا سفر هالكون ،يا موطن فرح = حِس كيف القلب عاشك وابتداك
ارتميت م بين رمشيني ضِيا = خذتني عن جمر هذا وبرد ذاك
من سواك يْريح نفسِ هايمه = ما تمنّت غير شوفَتْك ورضاك
تمضي اللحظات من دونك حزن = والكآبه تروي عروقي بَلاك
عيشني في غمرة عْتابك وفا= لا ولا تبعد مدايَهْ عن مداك
شوفني مصدر جموحك وابتسم= كيف ماتَبْسِم وأنا لبّة حشاك؟[/poem]

.
.
بعض المفردات إماراتية اظنها واضحة مثل :بَلاك أي من دونك
ذاكرة النص :20/6/2009