[عبدالله سماح المجلاد]

إلى أولئك بعضاَ من غبائي ليعانق ذكائهم(حرامُ على بلابله الدوح حلالُ للطير من كُل جنسِ) مع المحبه الخاصه لأبعاد وكل من فيها وخاصه ثلاثي النجاح أستاذي قايد الحربي وأخي الرائع خالد صلاح الحربي والعزيز على قلبي سعد سيف
[poem=font="traditional arabic,7,black,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black"]
يا هاجسي سرّ اصْدَق الْشِعْـر سـرّه=والليل صدرٍ من غثا الوقـت مكبـوت
واللي يِحِـزّ ويجْـرَحْ النفـس مـرّه=هي وقفة الطيب على بـاب سربـوت
الفقـر حبـلٍ كَتِـفِـهْ ثــم جــرّه=حتى تسوّل بـا لعطـا مـدّ هلفـوت
بَدْخُـلْ كِـذَا :وِ لاّ السوالـف مِجِـرّه=مَا هِي وفاة عقـاب وَتْرِمِلَـتْ نـوت
يوجـد بحـر :واستنـزف الغيـر درّه=يَا كَمْ خـذوا مِنّـه زمـرّد وياقـوت
وهـو مَـابَخَـلْ بَالْمَـدّ مثقـال ذرّه=تشهد عماير مصر وابراج بيـروت
وفي سَاحْلَه ناسِ هـم أوْلَـى ببـرّه=لكن يد النسيـان ترمـي بهـم أوت
واللـي يقـول أوضاعهـم مستقـرّه=هذاك يهدي شـوك مَايـِهْدِي التـوت
ملّـت حناجرنـا كثـيـر التـشـرّه=دستور يا كذبـة تصاريـح وبشـوت
وِسْعْ الْفَضَـا بَحْـرَه،وِجَـوّه ،وِبـَرّه=كم ضاق بعيونٍ تصارع على القـوت
للفقـر سيـره حربهـا مستـمـرّه=غير البسوس ومعركة عين جالـوت
الفقـر ذِلّ وعيشـة الفـقـر مُــرّه=كم شَتـّتْ ارواحٍ وكـم هـدّم بيـوت
وكم ذَلّ حُرّ: وكـم كِسَرْ نفـس حـُرّه=وكم جثةٍ مَا ضَمّهَـا صـدر تابـوت
الفقر صيـفٍ يشـوي الجلـدّ حـرّه=من شِدِتَهْ شِفْ قاسي العظم مفتـوت
يبِيِـنْ ووجيه الفـقـارى مَـقَـرّه=كأنها صَخـْرٍ بـِهْ البـؤس منحـوت
الفقـر مَهْمَـا حاولـوا كَتِـمْ سِـرّه=السرّ شاع وصامـل العلـم مثبـوت
الخيـر قـَـلّ ووقتـنـا زاد شــرّه=حتى اضْحَت ْالدنيا بَحَرْ والزمن حوت
ياموت تاخذنـا علـى حيـن غـرّه=وكفّك تشوت ارواحنـا للفنـا شـوت
لله در ّالـْعَدْل لله درّّه=لو ساد مَا اضْحَى الفقر ظالم وطاغوت
علـى كـذا تبقـى السوالف مِجِـرّه=تدري بخير :أفْضَل لنا صمت وسكـوت [/poem]