[فالح الشلوي]

السلام عليكم ورحمة الله وبركاته

فالبداية أشكر المجهول اللي ارسلي ايميل بالمنتدى ولا ذكر اسمه

ولاهو قصور فيكم كلكم اغلب الاسماء اللي شفتها في هالمنتدى تستحق الاحترام

على رأسها الأستاذ / فهد عافت وصاحب هذا الصرح وإدارته وكل مشارك ومتصفح

هذا حضوري الأول وعسى أن يرتقى لمستواكم الشعري



[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قبل لا أبدأ في قصيدي وأستهل وأهله = اقري الي في خفوقي وأمعني في سطوره

يا أغلى من في الأرض عاشت جاك فالح كله = واحد ٍ لو ثار ..عمره ماخرج عن طوره

حطي يدينك على راسي وسمي بالله = واقري اللي بيتيسر معك سورة سورة

كن في صدري جيوش وعالم ٍ محتله = وكني الي فايز ٍ بالحكم عقب الثورة

وقمت أوحدهم على الأسلام مله مله = لين شيدت الحكم وأرتحت وسط قصوره

يعني أني شخص مع نفسي مسوي شله = في ضميره كم شخص يسوقها من شوره

كيفه وعماس راسه من شقار الدله = واحد ٍ وقت المواقف مايخلي دوره

صاحبي ماصد عنه لو بدا بالزله = الأوله معذور والأخرى بعد معذوره

لكن أن جت ثالثه لا بالله ولا بالله = الأوله والثانيه والثالثه محظورة

من رفعني عن الخطا فوق النجوم اشله = ومن تواطاني بشوته مثل شوت الكوره

مارضينا بالهزال ولا نحب الخله = وكل شخص بالحياه يفكر بمنظورة

من رضى بالذل مافاده بعمره ذله = ومن طمح للمجد يظفر في معانق نوره

عن دقيق الهرج داله لا حضرلي جله = واحفظة ماكني إلا حافظ ٍ بلورة

ما كتبت الشعر لأهل الشعر وأهل الفله = ولا اتحرى اعجاب من ليلى وساره ونوره

هاجسي لو ما يطيع أسخره في حله = والأساطير العظيمه تخلد الأسطوره

أدري ان لي طلة ماتشبه أيت طله = شاعر ٍ لمن حظر له ناسه وجمهوره

لكن انتي خافقي من دون زولك من له = الزمن بعدك بيعلن في ضميري جوره

الحزن مثل الشجر لمن كساني ظله = ولا بقى لي غير طيفك والشعر والصوره

كل هذا ياغلاي ولا بردت بي غله = في ضلوع ٍ نقشة حروفك بها محفوره

طعنة من سيف مدري منهو اللي سله = ولاصحيت إلى على أحلامٍ غدت منحوره

يا دجى ليل ٍ يسري خاطر ٍ به عله = دام لي أقدام والله لأطوي المعموره

لكن أني طالبك هاللحين سمي بالله = واقري اللي بيتيسر معك لوهي سورة[/POEM]

اخوكم الصغير
فالح الشلوي