متواضعه ,,, أرجو ان تنال اعجابكم
انا .. لاشفت حال الطير . يرجي رحمة الصقار
مقيد .. يرتقب يوم الهداد ولا يهدونه
بعد رحلة نهار وميل.. يسكن بالظلام أمتار
على شوووف الفضاء والنايفات يصبر عيونه
طرالي .. صاحب له في فؤدي قيمه ومقدار
أعزه مثل اخوي وكيف اعيش العمر من دونه
وأسافر لآآآاخر جروحي وأحطه للحزن تذكااار
ليا من مرت أطيوف الفراق وسالت مزونه
وأصبّر ,, عبرةٍ تغرق مكانه وأرموش أسوار
والى نامت عيون الناس .. دكّت باقي أحصونه
وأكن النار في صدرٍ يشع من الخفوق أنوار
تسامره الظلوع اللي غدة للحزن مديونه
وأجاري وقتي اللي من فقده والضياع أدوار
أمثلها ,, على مسرح حياة الياس واللحونه
يقولون الورق .. شوكٍ تعلى هامة الصبار
وأنا اقول الأرق شوك سكن في جوف مجنونه
ولاكن الصبر مبداً تبعته والحمول اكبار
وأنا ضيف الصبر وأقلط عليه إن كبرت صحونه
لعلّ الله ,,, يفرجها عليّ وينتهي مشوار
وأنا راضي بحكم اللي يفوق الفكر مضمونه
.......... !!
لكم احترامي