السلام عليكم ورحمة الله وبركاته
اتمنى ان تلقى هذه المتواضعه القبول لديكم
وكل الموده والاحترام للجميـع
بين المنــازل يافــهد بيت مهــجور
ينتــابني لاشفتــه احســآس عــابر
احّس كنه يـخـفــي الآآآه مــقهور
هد البطى حيله على الجور صابر
تشرح ملامح قصته سور مطمور
وتنبــيك اطـلاله قسى وقت غــابر
في داخله يهتف ندا صوت محشور
صوت لحنين احباب أقفت تدابر
خلوه يرجي وحدة الليل مذعور
يـصدح اسى ماله مع الضيق جابر
أركانه العتمه بكت وسط ديــجور
وكل الزوايا فيه .. وحشة مقابر
هجران قاتل والبطى ذيب مسعور
ينهش .. ولا يــرحم سنين المــثابر
مسكين كـنــه ينــتـظر للأمــل نـور
وذاك الامل اصلاً .. تـفاهة منابر
سؤال ممكن يافهد؟ عشت مشكور
ودي أجابه !! وانت بالحـال خابر
هو خاطره مثلي من الهجر مكسور
ولى عــلى قسوة زمــانه .. يــكآبر