[سالم السيفي]

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]"وجع ممتد" ف عروقي وادري إن الوجع حرّاق=أنا في داخلي ميت ولا أنسى انك وجـدْتيني

وجدتيني بعد ما كنت من جروحي عنا ينساق=رماه الحظ في كفك لا جل عينك اخــذتيني


حفرتك في الصدر آية أرتلها سما وأحداق=غريبة يا الألم كنتي فـ كل آية تخونيني

كثر ما طاحت أوراق السنين وأورقت أوراق =قريتك ما دريت وأنا بغيابي كم قريتيني ؟!!

كذب لو قلت لك أني لوصلك ماني بمشتاق=ألا والله أنا بحزني وشوقي في دواويني


حسافة لا نزف جرحي ودمعٍ بالمحاجر راق=خرافة صارت أوراقي من فراقك تواسيني


طهر قلبي صدق حبي زهورٍ تنبت بأشواق=تجي تسأل فكم مرة على أطرافك غرستيني

أتوه بدفتر سنينك ألاقي هالغدر دفاق =ألاقي دفترك حارس رغم انك نسيتيني


حكاية ورقةٍ بيضا تشب وتحترق إخفاق=على صدر السنين تمر تخط أكبر عناويني


"وجع ممتد" ف عروقي وادري إن الفراق فراق=أنا في داخلي ميت ولا أنسى انك قتلتيني[/poem]