[عبدالله العلي]

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سنه مرت على اخر وداع ومرحبا واهلين = سنه والحرف اوزان الشعر قافيته بحوره !!
تعاتبني هجوسٍ للقصيده متعبه من حين = وانا منين ابتدي نظم القصيد و ابدع شعوره !!
انا للبارحه ما خالطت ملح المدامع عين = و لا قد هزني شوق الغرام وعاصف شعوره !!
حياتي قلت اقزرها كذا كني مع اللاهين = مصير جراح خيبات الامل للوقت مجبوره
(فكم من قبلنا ذاق الصباب) وجربه قلبين = و كم من عاشقٍ يرجي النصيب وعانده جوره
الين بغفوتي مرت مراسم لحظه التأبين = على جثمانها شفت البشر تطرب ومسروره
وجوهٍ شامته نظراتها يمي ترد الدين = وهي مقدارها في نظرتي للحين محقوره !!
وشفت الي قساوتهم يقين يقطع التخمين = رأيت اجساد ناس قلوبها بالغل مقبوره
انشد وينها ؟ رد النعيق بحضرة التكفين = هنا تسكن تفاصيل الغياب وتعلن حضوره !!
و انا اخر مارايته بالخفايا ما بغيت يبين = طعن بي كبرياء العاشق المحروم وغروره !!
لقيت العبره المتحجره ذات الشموخ تلين = وتنزف كنها هل السحب لجات ممطوره !!
تسابق وبلها مزن المدامع من على الخدين = فزعت من المنام ودمعة العينين منثوره
سنه والهم في صدري برد من دمه السكين = سنه ماكن جرحي ماخذله بالزمن دوره !!
سنه قلبي يكذبها واصدقها ما بين امرين = سنه حتى المشاعر ما تطيق الجد مذعوره
سنه بس اتلفّتها تجي والا تجي؟!من وين = غريب ما نشف ريق الاماني ولا يبس زوره
اسولف للفضا ودي كذا يكسر شتات البين = يعّود لي صدى صوت الفضا يافلان معذوره
وانا كلما اتذكرها بكاها من الغلا طفلين = هنيا لارتعش غصن الحنين وطار عصفوره !!
سنه غره شهر خمسه بثمانٍ قبلها الفين = سنه و ايامها ترفض تكون اطلال مهجوره !!
سنه ياقلبها الغربه ونبض الحاير المسكين = سنه يا صدمة الفرقى تبوح اسرار مستوره !!
مواعيد الرجا كانت يعشمها صدى بعدين = اثر كان الظلام الي كسى دنيايي ديجوره !!
سنه و اول بدايتها نهايات الثلاث سنين = سنه مرت و مرتها كذا لاصوت لاصوره !![/poem]