[خالد صالح الحربي]

المشاركة الأصلية كتبت بواسطة مسفر الدوسري

للكلام اللي بقول بعض صوت
وبعض أصابع
وبعض نور إنساب من باب المواجع
للكلام اللي بقول
ألف شارع
يوصله بالتيه
لو كله مرابع!
:
:
الفضا أكبر من البارح طريق
والشعر أعطر من البارح رحيق
..
صار عندي اليوم.. صديق..
من جذور القلب طالع
كنت أطالع
لين ما جف النظر
لين أكلت الطين..أو...لا
أكلني الطين
حتى الطين جايع!
كنت أطالع..
لين شرب عيني العَماش
كيف طلعت..
من ورا هذا الغَباش؟!
....
.....
مامر على قلبي فراش
قبلك
ولا..
كان الشجر
يحضن إعشاش
ولا اذكر إن عليه عاش
صوت ساجع!!!
من بياض الصبح جيت
حنّيت الظلام
بالسلام
وقلب ناصع
كنّك إلاّ ..
من وريد الشمس نابع!
كل ما قلت إسمك يصير
الكلام اللي وراه..
بعض صوت
وبعض أصابع!
وبس ..ما أقدر أتابع...



كم أحبك أيها الــــ خالد،

*
يَا صَدِيقي عَارِض الأحْزَان [ زَان ]
والفَرَح بأوّل صِبَاه ،
عَاجِزٍ حَتّى يِشِدّ
الـْ إنْتِبَاه .

**
لِين شِفْتِه حَرْف مُورِق فِي قَصِيدَة
يَاخِذ التّايِه من الأيْتَام
وَالأقْلاَم
وَالآلام
وَالأحلاَم
مِن صَدْرِي بْـ إيدِه !

**
يَاصَدِيقِي خُوذِنِي ظِلْعِين عِين أوْ ظِلّ / عِين ،
مَدّت الشَّوف وْ غَفَتْ .
مِثْل طِيبَة أُمّ .
تَحْلِب لأطْفَالَهَا الغَيم وْتِمُوت من الظّمَا !
تَجْلِب لأطفَالَهَا الشّوف وِتِدَثَّر بالعَمَى !
و اكْتِفَتْ !

**
وأنْت يَامِسْفِر إذَا ..
كَانَ الحِذَا / كُلّ الدُّرُوب اللّي تُذُوب
وِتِنْتِهِي بالشِّعر : شِعْر .
شَاعِرٍ مَا بَعْثَر إلاّ الحُبّ : فِينَا
شَاعِرٍ مَا لَمْلَم إلاّ السُّحْب : فِينَا
شَاعِرٍ مَا عَلّم إلاّ الرَّحْب : فِينَا
كَيْف فِي لَحْظَة يِصِير أكثَر مَدَى
وَالمَدَى أكثَر رَحَابَة !

**
مِن زَمَان وْرَفْرَفَاتَك
تِشْبِه لـ زُرْقَة سَمَا لا تَقْبَل إلاّ مَا سَمَا
يَعْنِي لَو نَفْرِض : رُفَاتَك مِن شِفَاتَك ،
قِلْت :
عَلّم الأحْيَاء
وِشْلُون تْحَيَا !

:
:
فَاح وَرْد وْرَفْرِفَتْ : سَلّة .
ـــــــــــ طَاح نَرْد و مِدّت : الطَّاوِلَة .
أنْت : شِعْر وفَنْجَلَة دَلّة
ـــــــــــ أنْت : عَرْش وسِكّر مْنَاوَلَة .
اكْتِب اكْتِب ياابْو عَبْدَالله
ـــــــــــ كِلّ صِبْحٍ مِنك : نِتْدَاوِلِه !

حُرّر فِي حِينَه ،
معَ الوَدّ والخَجَل / ياأجمَل مخلوقات السّاحَة .