[علي الأنصاري]

من أرشيف ذاكرتي،، حصرياً للأنقياء في أبعاد ..
على لسان شاب منعه عرف ( القبيلة ) / الزواج من ( رحمة ) !
/[poem="font="simplified arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جـوعان حزن الليل فيـني والعـشا سفرة جراح = وزعْـتها لقـمة أنيـني بـيـن وهن الأضلـعة
/
يا صاح ما صبّ ( الأسى ) كاسي / وللبلعوم ساح = إلا و (شرقة) هـ العـمر تحـكم عـليّ أتـجرعه
/
تاهت عـناوين الـرجا وآنا انتـعل خـف البراح = صوفي/ يـرتلني الوجع / ما بين عتْـمة صومعة
/
لـو للأمـاني خيـط / متعلّق على خرم الريـاح = لا خيط جلباب الزفاف بـ هالـسـراب وْ اتبـعه
/
شفت الأمـل غيمة تـمر بستان حلمي كلْ صـباح = قلت أمـطري للـدين نصفه / تنبت أفـراحي معه
/
وأضحيت أتهجى المصير وْاجمع حروفي ( نجاح ) = ليه الـرسوب وْدفتري ما به / خـطايا / تمنعه !!
/
اليـوم أكملت العـمر / وأتممت صبري بالكفاح = ومشيت أطرقْ باب صدري / كم تعشمت السعة !
/
يا ليت قـاموس أمْنياتي / ما عرف معنى (.....) = دام الضـحية قلْـب مـؤمن / والقـبيلة تـردعه
/
لو لامني إسماعيـل يـوم العيد / باخْتار الذباح = ناديت للسكيـن : ليـن الموت قطّـع إصـبعه
/
ما طار طير الحظْ / سما الأحزان/ مجبور الجناح = إلا وخيبة (هـ الرفض) تكـسر طموحي وْ توْقعه
/
يا صاحبي / عرْف البشر أهدانيْ للذكـرى رماح = وآنا الوحيد اللي أنطـعن مـن ضيم هذي المعمعة
/
مرّت سنة / شاخ الغصن فـي حلم بستاني وطاح = وآنا أنتظر يمكن تجي رحـمة فصولي الأربعة ![/poem]