[محمد السالم]

المشاركة الأصلية كتبت بواسطة نفاع العنزي

مساكم وصباحكم خير



.









[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

إذا خسرت المال ..لا تتعب الحال = تضيق يوم .. ويوم تلقى رحابه

الموت لا صارت مخاسيرك رجال=ورجال من ساسك .. بدم وقرابة

أخلاقهم ماتت .. وهم عاشوا أزوال = ويا شين زولٍ ما يعيش المهابه

هنا تمنى لو مخاسيرك أموال= هنا يضيق الكون ..حزن وكآبة

هنا يخيب بدنيتك حلم .. وآمال= هنا جروحك .. مع بعضها تشابه

يا قسوة الدمعة على خد رجال=فيها تحس الموت زاد اقترابه

فيها تحس إن الزمن جاك .. يختال = يسوق لك خيله وطعنة حرابه

يسوق لك جوره على صوت موال = يقلب لك الدنيا دمار وخرابة

هنا ..أنا واقف على شرفة الجال = هنا..صدى صوتي وأحس بعذابه

هنا .. وقفت أستعرض قصار وطوال = هنا أترجمها بشعر وكتابة

في ذمتي ما كنت في يوم محتال=ولا مشيت بدرب غيري مشابه

ولا شقى قلبي عنا قلة المال = نسيت همه يوم غيري شقابه

يزول هم وهم باقي ولا زال = همٍ سطا في خافقي وإلتجابه

همي حياة أخلاقهم والزمن طال =والوقت ياخذهم بصمت ورتابة

تباعدت خطواتهم عني أميال = بالعمد جوها ليه ؟ يا للغرابة

حزني عليهم بدّل أحوالي أحوال = وخوفي عليهم ما حديهم درابه

جالس حزين وعلقم الهجر قتّال = وزوّد على حزني ونين الربابة

( ولو تاقف الدنيا على موت رجّال ) = كان وقفت عصر النبي والصحابة

[/poem]







.

أقسم بالله أن هنا شعرا يتناثر الصدق بين يديه


لن أجد من القول مايرتقي إلى هذه الشفافية البيضاء الصادقة

إلا قولة لك ألف تحيّة يا نفاع