[فهد ساير الظفيري]

اخواني الكرام :
يسرني ان اقدم لكم هذا النص والذي يحمل ابعاد قد لا يصل اليها القارئ بسهوله

متمني ان تنال اعجابكم ....


[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مستكثر البسمه على حزن الاغراب = ومستثقل الفرحه على دمع مسكين
صفت لك الدنيا على خير ما طاب = واحنا رمتنا في غتام البراكين
الحمد لله عايش بخير مخلاب = حر ٍ واشوف الناس مثل الشياهين
مافادكم يابوجهل طيب الانساب = وما لخبط القارئ كثير العناوين
اتوب لكن يبقى الاحساس ماتاب = لو باح في فكره على حد شطرين
واكبر قهر لامن نسى الود الاصحاب = او ثقلت ورده على كاهل الطين
عادي تشوف الدمع في مهجة الداب = صعبه تشوف الطيب بين الكريمين
كل الجمل تحتاج تفسير واعراب = من خوف لاتجهل حروفي مجانين
تجول في راسي مجاميع واسراب = وانا اقطف الازهار بين البساتين
برغم التعدد والتكتل والاحزاب = استنتج المعنى واسوق البراهين
لو كشرت غيمه طلع للزهر ناب = ولامن رضت ترضى عليك السلاطين
دخلت في عالم بلا فتل الاشناب = واضح وضوح الشمس رغم القوانين
به عين سحريه على كل الابواب = ومن جهلنا نسئل عن الطارقه مين
بالله يا دنيا اذا باقي اعتاب = تجنبي عتب الرجال الميامين
اللي تعاتب نفسها والشعر شاب = ما همها من طول الايام وسنين
اغطي الدمعه من الخوف بحجاب = واحرض البسمه تغيض الشياطين
ابحرت في مركب ولافيه ركاب = كلن نسيته ماعدا الرب والدين
اذنت في قلب ٍ له الصدر محراب = صليت لكن في غياب المصلين
قريت فاتحتي بترتيل واآداب = مير اوحشتني ماحد ٍ قال امين
تعبت افكر وازعج الروح بسهاب = واحاول ابني للمعارك ميادين
خلاص بنهي صحوة المخ يحباب = بعيش غفوه واكثر الناس غافين [/poem]

وسلااااااااامتكم ...