[عبدالعزيز الرميحي]

[poem="font="simplified arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قلت ابكتب شعر قالت وش تبي تكتب عشانه= قلت ابكتب في طويلة عمر ما ترضى هوان
شاعرٍ غطا جنانه من بحر قافه جنانه= وافهمي يابنت والله ما نقص قافي جنان
القصيده ما تجيني ما تجيني باستدانه = ما زهمت هجوس شعري وخذلتني في زمان
القصيده ( لاتوطّت )بالسّمج تلقى الاهانه = ومن تعرض للأهانه ليش يزعل لو يهان
الكلام الجزل يبقى للعرب عنده مكانه =والكلام الغث يبقى عندهم ما له مكان
القصيده حس شاعر صاغها قاسي زمانه = والتجارب تصقل الشاعر وتعطيه الأمان
مهرةٍ ما روضوها تركب الصعب وليانه = ما يهيبها صعيب ولا تدور عن ليان
ارتفع ببيات شعري واتعلآ عن طمانه = وان ركبت القى ذلولي شايمه فوق الطمان[/poem]