[عبدالله الدخين]

المشاركة الأصلية كتبت بواسطة أحمد التيمان

السلام عليكم ورحمة الله وبركاته ..
أسعد الله أوقاتكم جميعاً ، أتمنّى أن يرتقي النص لذوائقكم الرفيعة !

[poem="font="traditional arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]نفد صبر الكراسي .. ملّ كوب الشاي !=صرخ هذا القلم في غيبتك : "كافي" !
كأنّ الريح من خلف الدرايش ناي=يقسّم لي لحن غيّابي الدافي
وحيد .. وما يعلّلني سوى ذكراي=تجاذبني الحديث ، وتسكن لحافي
بكى حزن الشوارع من حنين خطاي=بدونك هالعمر رمضى .. وانا حافي
وحشت اغلى الأماكن في وطن منفاي=تحمّلني سلام ؛ وشوقها خافي
نجي نقطف زهر .. يسراك في يمناي=ومرّ العام ، واصبح هالزهر سافي !
تعال .. وطبّب جروحي ، وعزّ بكاي=تعال ابذل سبب .. والله هو الشافي
كثير اهمس باِذن طفل انتظارك : "جاي"=تعبت المح بعينه : "صاحبك جافي"
وهنت .. وجيت ادوّر للمشاعر راي=يوقّد لي فتيل سراجي الطافي
رحلت ، وحيل تتعبني منى بكراي=عسى يعود الربيع ان عدّت (عجافي)
بذلت العمر كلّه .. في سبيل مناي=وعلى كتف القدر .. شوف البخت غافي ![/poem]

صــح لسانكـ يا بعــدي


قصيدهـ ماهي اي قصيدهـ .. عز اللـه تــشبعـت شعر


ليت الحكي يافي ويوفي حقهـا


لكن ما اقول الا يسعدلي فكرك النيــر


امتعتنـا شعـر


تحياتي واعجابي