[شيخه الجابري]

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]



غنّت سحابه واستدارن نخلتين=والشمس حادت عن مسار الطبيعه
ثنتين هلّن والتقن مثل ضلعين=ضجّت سماهن ، واستفاضت شِريعه
والطير فزّز من جنونه ضحكتين=حتى استمال المترفات.. لــْـ ربيعه
شلّن حداهن بين رامه وما بين =بستان ود وبين ربوه منيعه
واستمطرن إحساس فارع من سنين=وارف ونبضاته سريعه.. سريعه
يقطف عَنبه إغماءة الخوخ والتين=يحصد شغبه أنواء رحله بديعه
له شال، به خلخال يعزف تلاحين=وجو الفرح في كل مرفأ يشيعه
نوعين له .. من كل صنفٍ ونوعين=في حيرةٍ من فتنته المستطيعه
إنها تورّدك المنايا على حين=غرّه وتاخذك لنهايه ، شنيعه
فيه الوله ما مر دنيا المحبيّن=عنده مشاعر وارفات ٍ ضليعه
يا الله من نوّه إذا نوّخ الـــ... وين=جلّل بخطبه حادثات الوسيعه
حتى الغيوم اللي بدت بين نجمين =اتهزّعن مثل الغصون الرفيعه
هاله وسوّن من جناهن تفانين=وتدافعن دفع المها المستريعه
ما حاذرن ، ما خاتلن ، ما توانين=في معركتهن كل ٍ أحسن صنيعه
وإذا الغنا له شكل ، له لون ، له عين=له صوت ، له نبره ، أثيره مطيعــه
وإذا السحايب مثل غيث المودّين=وإذا الأمـــــــاني لليالي شفيعـه
اتنادمن والسيل يجتاحهن لين....= سالت بطاحه واستفز الطبيعـه.[/poem]

إضاءة
شِريعه : قناة مائية



ذاكرة النص :
11- ربيع الثاني 1430