[مشعل الغنيم]

*

عطنا ملعب مثل الناس ياخي
ملعب جدة موقعه ممتاز والملز موقعه أكثر من ممتاز واستاد الملك فيه رفاهية ماهي موجودة بباقي الملاعب.. لكن شلون تطالب جمهور القادسية بالحضور لملعب في الدمام!!!؟ ياخي حدّث العاقل بما يعقل، نادي في الخبر يلعب مبارياته في الدمام؟ وياليتها وقفت على ذي، حتى نادي الخليج (بسيهات) لعب فترة في الدمام. قلة حياء. الحين رجع القادسية يلعب بملعب الراكة، أسوأ ملعب في التاريخ سواء بالأرضية وإلا مواقف السيارات والشوارع الغبية وحتى المقاعد.
النصر والهلال ماعندهم سالفة، نادي يلعب بالبيانات ونادي يلعب بالفلوس ههههههههههههههه ، الرياض كعاصمة وفيها 4 مليون نسمة مقسّمة بين هالناديين.. وحتى بعض الأندية الثانية مثل الإتحاد أو الشباب. لكن مستحيل تلقى أحد من أهل الخبر يشجع نادي ثاني - هذا إن اعتبرنا إن جمهور الهلال يشجع الهلال أصلاً - هم يشجعون ياسر والتمياط والشلهوب، ونفس الشي بالنسبة للنصر إللي لازال جمهوره يتخيل ماجد يطلع من غرفة التحليل الخاصة بـ art ويلبس القميص الأصفر وينزل للملعب يحل مشاكل فريقه. جمهور يعبد الأصنام، أصنام صنعتوها من التمر.. وستأكلونها لاحقاً!