[عبدالمحسن الطليحي]

[poem="font="arabic transparent,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وتتدلى من ظلوعي عناقيد الوله للحين=وحتى ينشف الصبر بظلوعي وتسقط ثماري

على الطاري مع ان التين لامن طاح ينبت تين =قسم بالله لا طاح الوله ينبت لك بطاري

تصدق صرت في وجه المراية آتسائل مين=ويشبهني أنا .. لكن ظروفه غير وأخباري

كذا عشتك بدونك .. داخلي كم ظالم ومسكين =وذكرى تطعن بقلبي وذكرى تاخذ بثاري

ورسمة رافضة فصل الحياة بدفتر التلوين =وقصة عيّت تكفـّي لها كراسة اشعاري

تمنيتك سما تمطر على صدري غرام ولين=وحتى اني غرستك للوعد في تربة اقداري

تعال افتش صناديق الضمى اللــّي من ثمان سنين=ورتـّب كل (أنت) بدنيتي مرّت على داري

تعال وشوف مني وش نجا من غبت في تشرين=تصدق مابقى اللي يـَكـَفي انـّي اللعب أدواري !

انا فيني مدينة تحتضر وإن قلت تكرم عين =ابغفل عن غيابك داخلي وان كنت انا داري ![/poem]