[راشد لايح]

المشاركة الأصلية كتبت بواسطة ثاني الدهمشي

مساء الحب ..

اقبلوها مني بدون مقدمات ..

:

الله يخــرب بيت لحـظة وداعك
......................... "مع السلامه" موت و"الإذن" تابوت
والصوت عيني وانتخت في وساعك
..........................لكن عيونك ما تبي تسمع الصوت
وانا بمـا إنـي عرفت انطـباعك
.........................حول الكتابة فيك خذ سبـعة بيوت:
أوّل محـطّة يبـتـديها ضـياعك
........................لاصرت تتحجّج حجج قصف بيروت
والشعر لو تعـطيه حسن استماعك
........................لبّـسْك من راسك لرجليك ياقـوت
واللي تبيه ان رحت له بإنـدفاعك
......................غلطان..وان حزْته تراك انت مبخوت
وش فايدة كتمانك لـ وقـت لاعك
.......................دام الملامح تعتـبر حكي بـ سكوت
وانت ان جبرت القلب والقلب طاعك
........................قلبك بهالحاله من الصدر ممـقوت
وليا شريت احـد وقـام بخـداعك
......................سلّم على الرمّان واذرف على التوت
وعذرك ليا بـرّر سبب..إنقـطاعك
......................الصدق في وجه الوصل صار منحوت
عاد ان بلغ فكري حدود اقتـناعك
......................علّم خفـوقك قبل لا وقـتك يفـوت
وابعترف بأني بـ لحـظة وداعك
......................حاير/قلق/مدري..اخلّصْك؟ مكـبوت
وبرجع لثالث بيـت فيه انـطباعك
.......................وابختصرلك بيت عن واجد بـيوت:
دام السما طيـبي وخطاياك قـاعك
.......................ليه آتضـايق لا بدى نبتك يـموت

:
وسلامتكم..

ثاني الدهمشي

صح الله لسانك مليووووووون

وسلم لنا إحساسك الشعري المرهف

قصيده لها وقع خاص على المسامع والقلوب

أبحرت بنا في سماء الشعر وعملتنا معنى الأبداع

بحروفك المتناثره على صفحات هذا المنتدي النخبوي الأول

فدامت ودام إشتياقنا لحروفك الذهبيه