[صالح مصلح الحربي]

[poem="font="simplified arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جتني مثـل طلـة صبـاح المحبيـن=من بعد ليلـة ساهـرة مـع قمرهـا
وعزف لها الخافق من الشوق لحنين=في لحظـةٍ مبطـي وأنـا منتظرهـا
على مشاعر شوقها الـورد والتيـن=بحكـايـةٍ أضمـهـا وأختصـرهـا
لحنٍ تـردد معـه قلـي أنـا ويـن=ولحنٍ تهوجس به وهي في سفرهـا
جورية البسمة في همـس البساتيـن=يشرق بهاها كل ما أشـرق نظرهـا
تطاولتْ في خافقـي بيـن ضلعيـن=وأسقت مهاديـف المحانـي نهرهـا
المخملـيـة الجـديـرة بثنـتـيـن=نبض الخفوق وشوقه اللـي غمرهـا
من يوم قالت له بلهفـة هـلا ويـن=استوطنت به وارتمـى فـي بحرهـا
من بعد غربة أصبحتْ لـه عناويـن=واليوم يومـه والسنيـن وشهرهـا
وكان الحياة أحلام والعمـر عمريـن=مـن علـم الدنيـا تعانـد قـدرهـا
وكان الهوى قسمه من الروح جرحين=يا كبر شرهاته علـى مـن غدرهـا
كم قلت لك يا أستاذة الـذوق تكفيـن=صدي وخلي السالفـة فـي بحرهـا
وقمتـي وعلقتـي عليهـا نياشيـن=سألتْ ؟ قلتـي معجبـة وأفتكرهـا!
قلتْ الوعد قلتي على وعـد بعديـن=حبيبها أنت ولـك رجـاوي مطرهـا
ورحتي مثل ليلـة فـراق المحبيـن=الليلـة اللـي غـاب عنهـا قمرهـا
[/poem]