[مشعل رميض]

السلام علبكم


اسعد الله اوقاتكم بكل خير من هنا الى ابعاد



اليكم




[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ماطاب خاطر دفتري والسبب طاب=شفت القلم واقف ورافع يدينه
اثريه من كثر الهواجيس مغتاب=دقيت سلفه دقت المحترينه
اللي على باله يجي يفتح الباب=على حسب ان كان خلقه يبينه
ماظنتي تسلك على قافية آآآب=وماضنتي تمشي على قاف اينه
عريف فكري مستلم عند الابواب=مافيه طاري للذي مزرقينه
لا يالغلا والشعر رايح ولا جاب=ياكود همن بالحنايا دفينه
قالت تعال اسمعك قصة احباب=قلت ايه يالله سمعي ماتبينه
قالت وطن منفا وفرقهم غياب=والدمع سايل بين حينه وحينه
اثنين تجمعهم مسرات وعتاب=والدرب ضيعهم ضياع الغبينه
قلت الصبر غايب ويدرجله اسباب=واضح كلامج والذي تقصدينه
هذا انا واللي خلق شايب وشاب=واللي يوازن بالبحور السفينه
ماتبت من سر الهوى والهوى تاب=مبطي يربي لحيت الغانمينه
قالت فديت اللي اذا غاب ماغاب=يبقى نظر عيني وعيني بعينه
وان طاب خاطر دفترك خاطري طاب=وخل القلم يوقف ويرفع يدينه[/poem]