[مشعل العبار]

[poem="font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]شديت من فكري من الحرف ماطاب=قيفان يطرب وصفهـا مـن قراهـا
فيهن بفصل زين تلعـات الارقـاب=النوق هي عـز الرجـال وغناهـا
رثم الخشوم اذانها كنهـا احـراب=هدف الغوارب شامخـات اذراهـا
فج النحور اعضودها تشبـه البـاب=متساويـات ادفوفهـا مـع اقراهـا
هدل مشاربهـا تدلـى تقـل كـاب=فتـل قوايمهـا... قويـه اعضاهـا
مثل الحيود اسنامهـا كنهـا اتبـاب=طفح الضلوع وطامسـات اكلاهـا
وسايدِ بخفوفهـا مصـدر اعجـاب=تكبر حسب نعـم الرمـال وقساهـا
باجسامها ظبط الحراره على احساب=عن لا يبخر لاهـب القيـظ ماهـا
والعين فيها طبقتين مـن الاهـداب=فخِ .عن احبوب الرمـال ايحماهـا
ناعم وبرها ابشوت للنـاس وثيـاب=والحومهـا قـوت العبـاد وغذاهـا
اظهورها للناس محمـل ومركـاب=تطوي بعيـدات الفيافـي اخطاهـا
خلفاتها تروي ظمـا كـل حـلاب=حليبهـا طـب النفـوس وشفـاهـا
ترعى ومفلاها من انواع الاعشـاب=حتى الهماج ايسدهـا عـن ظماهـا
البل تنقـل فوقهـا جـل الاعـراب=وتجـود بالنفـس العزيـزه فداهـا
منظر مجاهيم الدبش يـوم ينسـاب=راع الولـع يفخـر بهـا وايتباهـا
تبارك الله شوفها يطـرب اطـراب=يشعر بنشوات الفخـر مـن قناهـا
الأبل خلقت معجزه لأهل الالبـاب=أيـات وعيـون الجهـل ماتراهـا
[/poem]