فــــــــــــــالكم طيب بحول الله //
فتقت الجيب أدوّر من صدوق المستخيله ........ نوّ
لــك الله ياخـفـوقٍ ماصـفـالـه مـــن زمـانــه جـــو
معاصيـره تحمطـر فــوق ضلـعـه والجـسـد ذاوي
اهيـم ولابقـى لـي مــن فصـيـح العـلـم كــود الـلـو
واغـنـي مــن طـواريـق القصـيـد وطـرقـهـا لاوي
انا لي صاحبٍ من عـام مركـن فـي خفوقـي ضـو
زبـنـت الله مـــن فـعــلٍ فـعـلـه بـعــودي الـــراوي
نزعت له الخفوق وقلـت هـاك اللـي تبـي بـه سـو
مــادام ان السـمـا غيـمـة حنـيـن وديمـهـا غـــاوي
فتقـت الجيـب ادور مـن صــدوق المستخيـلـه نــو
ورجعت العي واصك زرار ثوبي والصدر خاوي
حـدانــي يـــم جـــردٍ للعـطـاشـا مـاتـجــود بــــرو
وانـا أضمـا مـن حيـامٍ مقتفيهـا بالمحـل شـاوي !!
يسنّدنـي علـى بيـد الظمـا والجـوع وارض الـسـو
ويـرقّـيـنـي مـراقـيــبٍ قــفــار وذيـبـهــا عــــاوي
وانـا مــالاق لــي مــن بــد خـلـق الله غـيـره هــو
خبـت كـل الكـواكـب والـبـدر مــن بينـهـا ظــاوي
أحـبـه حــب مـاجـا مــن قـديــم الـوقــت ولا تـــو
وهــو عـنـي صـــدود ولعـنـبـو غـالـيـه مـايــاوي
وانا من جور صـده والـذواري وعاصفـات الجـو
زبـنـت الله مـــن فـعــلٍ فـعـلـه بـعــودي الـــراوي
وسلامتكم ....