[ممدوح السعيد]

.

(1)
مرت سنة
يمكن اقل شوي من حجم السنة
والاكيد ان الثلاث شهور مرت
من ثمان شهور مرت.
لاحظ ان شهور ، مرت ، سنة
كلها تكرار .. في تكرار.. في تكرار
ياخي على ايش انت ـعاتب
دامنا في مُجمل ايام السنة
نطوي هموم البارحه
على هموم اليوم
واندور بنا
صدر يتحمل ضيقه لباكر
وبعده للضنا
يعني بعد تكرار .. في تكرار.. في تكرار

***
يابو علي
دخن عليها تنجلي
وان ما كفا "الباكيت"
سلملي عليك
وقلك اني
من ثمان شهور مرت
وقبلها مرت ثلاث
مابكيت ولا شكيت
إلا عليك ومنك
واستغفر الله
يمكن فـ مرّه نويت
اني اصد ولا قويت .

(2)

جيت ارسمك ..
واسْتَانَس الاخضر بروحي !!
واسلَمَك .

***

من علمك
ان الغنى .. حفنة شعر
ومجنون مثلي
يفهمك

***

ما اعدمك
ياخي تصدق ؟
مرات انام شوي ؟!
او قبل لا انام !
اكون صاحي
واحلمك !!


(3)

هاتها .. هاتها
واعطِ المنافي ذاتها

هاتها .. هاتها
واحرص على مرضاتها
يمكن تكون آخر وطن

واكون انا أول غريب


(4)



ابطيت ..
لكني على رغم انشغالي جيت
ماعلينا دامها راحت علينا
والغياب اللي على بالك
تورط به حدينا


***

يابو علي ..
الله يعين المبتلي ..
اذكر انك قلتلي في ساعة من الليل ضاقت
من وين جيت وجابك الله لي
قلتلك في ساعه من الليل راقت

.
.


مبتلي .