[صالح العرجان]

المشاركة الأصلية كتبت بواسطة تركي حمدان

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]على المفرق وقفت .. وناظري حيران=هي الخطوة كذا ؟ ولاّ كذا ؟ .. ما اعلم
على المفرق .. ولو كان الوطن عنوان=، من الفضة رميت لسّكتي درهم
بلادي .. يا نسيمٍ هفهف مسيان=تنفسته .. وصرت الشاعر الملهم
لو اتخيّل غيابِك .. غابت الأوطان=إذا الكون ابتسامة .. فانتي المبسم
واذا يمدي .. أبحكي لِك عن اللي كان=واذا ما كان يمديني .. تراي افهم
تهبّ الريح .. ما تتكسر الأغصان=يهبّ الحقد .. والإنسان يتهدم
ولو يتهدم الإنسان كالبنيان=.. يكون ارحم .. ولكن " لو" ما ترحم
عظيم الشعر .. يمطر من سما الأحزان=قراح الغيم .. يصعد من هماج اليم
حطبت رماحهم .. شبّيتها نيران=بها يدفى الجليد .. ويشرق المعتم
قصيدٍ في سماه العصف والريحان=على رمله تماوج زهرة العلقم
ولو غزو الخطا .. به واحدٍ .. له شان=وطيته .. لكن اللاشيّ .. ما يهزم
أنا رب القصيد .. وربعي الويلان=سلاطين المدى .. لطّامة المجرم
أصوغ اوزان شعري .. للعدل .. ميزان=و اصبّ بحور شعري .. للضما .. زمزم
يزيد العمر .. ولاّ .. يلحقه نقصان=خلَدت .. ولاَ تنّشِد عن سنيني كم
فما .. في الشعر احد .. من إنسها والجان=.. يطاولني . ولاَ .. همّ الحواسد هم
ولا في الكون مثل محمد سليمان=عظيمٍ في بني خالد .. فما اعظم
خيوله سابقة .. والمرجلة ميدان=ذلوله عن ذنوبه قيدها محكم
تنزّه .. ماتهزّه وسوسة شيطان=هو المعصوم باوصافه .. ولم يُعصم
هو المؤمن .. ولا مجدٍ بلا إيمان=ولا دينٍ لمن يظلم .. فما يظلم
شفيف الروح .. يا روحه .. عفيف لسان=كثيف احسان .. قلبه بالندى مفعم
يكاد من الصفا جوفه يشع احيان=ولكن السطا فوق الضيا محزم
جوابه للعدا – لا قيل حانت – بان=جوابه بالندا – لاقيل تكفى – : سَّم
عدوه لا ثبت يغنم فخر واكفان=ولو عوّد بروحه ..عدّها مغنم
مع الأموال ما يفني سوى العدوان=ولا يحيي سوى المضهود والمعدم
غزير المجد .. نبع الفزعة .. كحيلان=ملاذ العزّ .. هداج العطا .. واكرم
يمينه .. من نداها تسقي الهتان= جبينه .. في ضياه الشمس تترنم
فدا .. لاعظم فتى .. لبَّاسة التيجان=.. على روسٍ بها فرخ الردى يلتم
فداه .. الماسحين الجوخ .. والرديان=سراب شيوخ .. لا جرحٍ ولا بلسم
هو الأسمى .. لأنه من خِلق إنسان=هو الأوفى .. هو الأشجع .. هو الأرحم
يطول الناس .. لولا الخالدي .. نسيان=رسومٍ في حجر بارد .. اصم .. ابكم[/poem]

الناريز تركي حمدان

أصهل يالحصان صهيلك بالحيل يطربني

صح قدح الزناد وصح نبضك