[عبدالرحمن مازن العطاوي]

.
.

بعد غياب
السلام عليكم ورحمة الله وبركاته ،،
عذر وتقصير مني لـ هنا وكلي آسف
وعسى ان ينال هذا النص على رضاكم ،،


حضور الغياب


[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ياصاحبي والليـل .. هـمّ وعذاريب = والوقـت ضيّع مازرعت إبسنيني .!
والضيق والسجّات .. ربع وآصاحيب = نجلس سواء والعمر عقبك حزيني .!
شباب من فعلك .. كسى رآسي الشيب= مخلص ولكنّ فيك عيبٍ وشيـنـي.!
ترجـع بعد غيبه .. ثم تقول بآغيـب = ياخـي حرام اللي تسويه فينــي.!
وأنا معـك فالعسّر .. وألا الأصاعيب = محزّمك يا مخاشـر غلا والديني .!
ومن دون آيت شك وألا بعد ريــب = في ذمتي انك ( طريقي و عيـنـي)
شفلك وسط صدري سلام وتراحيـب= لاجيت وألا اقفيت فرح وآنينــي.!
عشتك جروحٍ من غـلاتـك معاطيب = طال الزمن والحال حال السجينـي .!
انـظم قصائد فيك وارسـل مكاتـيب= في محتواها ( ويش بينك وبيـنـي ).!
مابين تعذيـب الضماير وتــانيـب = صدّري يوم انّه اطلقك ياأكسجـيـني.!
روّحت من باب الوصـل والمواجيب = على أمل انك تـروّح وتجــينـي .!
وأبطيت عني قلت : علقّه وتــأديب = ذهب .! ولكن طار من بين إيديـنـي.!
حزن وثقالة نفس .! والخاطر إصعيب = بيّح كنيني منـّك بيــحّ كنــينـي .!
يالاللغرابـه منـك .. ياللأعـاجيـب= مخلصّ ولكنّ فيـك عيبٍ وشـينـي .!
ترجـع بعد غيبه .. ثم تقول بآغيـب = ياخـي حـرام اللي تسويه فينــي.![/poem]



وسلامتكم ،،

.
.