السلام عليكم ورحمة الله وبركاته
مصافحه أولى ..
///
///
أزرع البستان يثمـر من جروحي والدمــــوع
وأنزع الاستـار تبكي تنطفي كل الشمـــــوع
يــــوم أنا صادق وقلبي ينتــــظر رد الجميــــل
ماجنيت الا الخســـاره والنظر فيه الخضـوع
آه مــن حظي الرفـات ...آه من صبري القديـم
آه يانبض ٍ تعلـــق في هـــوى حب ٍ يـــــــروع
كانت احـــلام الليـالـي في سبــــات ٍ ماتفـيــــق
كانت انسام الاماني جاهلـــه بقلبي القنـــوع
كنت فوق الوعد اجهـل عن مواعيد الغــــــرام
كنت أجي لكـن أغطي عبرتي وسط الجمــوع
كنت انــا وايــاه نبنـي من خيـــالات الصبـــــاح
والشمس تغرب حزينـه والمدينه في خشـــوع
كنت اجـامـل كـل حزنـي واكتب افـراح السنين
والفـرح غايب وكـــاذب بسمتي لـيـل ودمــوع
ومابقت الا النجــــوم رافقت هــذي الهمــــوم
اقطف أوهـامي وانادي خانت الاصل الفـروع
يــاسواليف العــذارى العـــــذر منـــي امــــان
اسقي التربه بروحي وأغرس انفاسي زروع
والظمــا يجــرح لهــاتي جوف ذاتي كل خوف
مانفعني صدقي اللي فيه بـــرد وفيه جــــــوع
ســــرعة الايــــام فـازت والخسـاره تستـزيـد
تسترد اللي مضى لــي تكسر القلب الجــزوع
مـن مصابيح الحيارى .... استمد المستحيـل
واستعير آمــــال منهو فاقــد ٍ كـل السطــــوع
وأكتب اللي ردده صوت الأرض في كل حين
وانتِ بس لو في مكـاني كان ماغبت الربــوع