أبيك في كلمة لو هي خطأ تغفر لي الزله
وردتك ظامي عزّ وصلك فأقطع حبالي
احبك ذا ترى اول كلامي .. وآخره كله
ولكن وش يضر اليوم لو تدري عن أحوالي
وخذ ما جاز لك من ها الحكي واللي تبي خله
أنا لا قلت ما في خاطري والله ما ابالي
ظلال العاشق جروحه ومن يتبعه ظلّه
أمانة يا شعاع الشمس لا تغضب من ظلالي
وتقدر تطوي الدرب البعيد .. وتقدر تفلّه
ولكن صعب تمنع فالهوى صبري وترحالي
وتقدر تغمد السيف الرهيف .. وتقدر تسلّه
ولكن عند خلاق البريه .. علم الآجالي
متى عمرك سمعت بعاشق قد مات من غلّه
هذاك الحاسد وراعي الهوى تتلفه الآمالي
حبيبي من يعزك في الهوى ما تقدر تذله
ترى قربك يزيدك بالغلا وان عفتني غالي
" البدر "
نور...