ياهلا مشعل
استهتار الأرسنال فعلا كان مُخجل,تذكّرت مباراة العام قدّام برمنجهام_التعادل_ وتذكّرت تصريح وليام جالاس قبل كم شهر,ومع ذلك الفريق يملك عقليّة صبيانيّة مع الأسف,ريدناب ممممم ممكن لو قاس المدرّب مستوى توتينهام الحالي وماقدّمه ريدناب معهم الآن,مع انّي مااتابع بورتسموث كثير بس ماأنكر انّ النادي يملك نمطيّة عالية بالأداء يكفيك "ديفوي"اللي رماه توتينهام برز وبقوووة معه والآن يبغاه بتوتينهام بعد!, وع فكرة عنده فكر جميل بالميركاتو تكلّم عن يناير يوم كان ببورتسموث وانّه ماراح يستقطب لاعبين كثار وتحدّث عن أسعار الـ لاعبين وأشياء من هذا القبيل-الآن هو بالسبيرز النادي الثريّ
كاتانيا ماني حاقد عليه أبدا(":,بالعكس دايم أقول فريق صلب وردّة فعله الهجوميّة شرسة وحارسهم فظيع نادي يمكن يكون فريسة لكن ماتموت!!,لكن مستواه العام ماكان يعجبني وأذكر فضّلت بقاء ليفورنو بداله بس ماخفيك كانت خيرة وبقوووة بعد خصوصا مع مستواه الحالي والزين فيهم بيّنوا بأنّه بالإمكان بناء فريق كبير وبتعاقدات صغيرة,أتوقّع بيع فارجاس يسوى 4 لاعبين منهم!- باختصار لانه تعادل مع اليوفي وانهزم مع الإنتر بغضته (":,وع طاري كاتانيا والفرق الصغير طبيعة الشعب الايطالي العاطفيّة هي اللي تخلّي هالفرق قويّة فرق تملك جمهور عاطفيّ جدّا مستعدّ لتقديم كلّ شيء لناديه الذي يمثّل مدينته وبلدته وموطنه بعكس الانجليز مثلا,كالياري هالنادي يعجبني مع ان مستواه متخبّط -يمكن حبّيته عشان زولا(": لكنّ تذبذب مستواه عكّر مسيرته حتّى يوم كان بيلارديني موجود والإدارة ماعتقد انّها مستقرّة أو ممتازة مثل اتلانتا مثلا,سيينا أحبّ سياستهم بالميركاتو واستقدام الـ لاعبين وأكيد جامباولو _طلع هو اللي توعّد الإنتر لأنّه كان يدرّب سيينا من العام (في نهاية الموسم)_ وع فكرةالنادي يفكّر برونالدو!!,أحبّ الكلام عن الاندية الصغيرة بالكالتشيو بالذااات وكثير أتطلّع كل سنة لكلّ صاعد جديد هالسنة يعجبني ليتشي بشكل ماتتصوّره وأتمنّى عودة أمبولي وبارما طبعا وقدوم بريشيا فريق العزيز باجيو والعزيز الآخر غوارديولا (":,ممم ولو تشوف البريميرليج فقط هال سيتي برز من الصاعدين وكثير ماتكون الاندية الصاعدة هابطة,الليغا من ذي الناحية أفضل لكنّ مشكلة أنديتها النفس القصير ولا فيه أفرقه شاركت بالتشامبيونزليج وهم بالدرجة الثانية الآن!,بالبونديسليغا الوصيف هوفينهايم من بلدة سكانها 3000 نسمة أغلبهم مليونيرات ويعشقون النادي!!
..و
إلا وش الأفرقة الصغيرة اللي تحرص عليها بالكالتشو والأفرقة المتوسّطة؟؟