بسم الله الواحد الأحد
مدخل : -
للقصايد مثل : طعم الهوا للبشر !!
................ كل ما ناض في عيون الفقارى قراح
--
--
--
يلبس الجفن من برد الليالي .. سهر
.............. و يتلثّم بذاكرتي : دخيل الجراح !
موت بعض الأماني مثل : موت الشجر
.............. ظلّها باقي لو عمر الشجر إستباح !
لو تعرف الليالي كيف موت الجمر ؟!
............... بعد ليله نـثرها هاجسي للــرياح
كان قبل يتأهب - صوت أذان الفجر -
............... جرّد الموت صدري لليالي // و طاح
طفل : حامل بدينه باقي حلم إنكسر
............... و أمنياتٍ : يخيط الليل منها وشاح !
يجدب الغيم ، من جوع الأمل و الفقر
.............. و يتهاوى على فرشه كسير الجناح
يحرث الليل من صوته حنين و شعر
............... كل ما رد من صدره : زفير الرماح !
لين يكبر طموحه .. و يتساقط مطر
.............. يروي أطراف ليله .. لين ينبت صباح
طفل حزنه مثل قلبه .. كبير و خضر !
............... كل ما هز ذاكرته // و رفرف جناح !