[علي الرحيمي]

انا ماشي واذا باقي مع الذكرى حنين اخذيه
................ .......امانة لمي الباقي من الذكرى وخليني

ابجمع سلة احلامي وابا ارحل في دروب التيه
..............واعيش العمر فـ اطراف الضياع وهامش سنيني

ابي حضن الورق حضن وإذا هب الحنين ابغيه
............................اذا اشعلته قصيد فليلة الفرقا يدفيني

مثل مااشعلتك فليل الوصال اللي سهرتك فيه
............................مثل ماذابت انفاسك غمام براحة يديني

كثر مانبهك صبح الغرام ووشوتك ايديه
............................كثر ماسكر اللحظة تلعثم بينك وبيني

كثر دفء تلاشى من ورى برد وشحوب وجيه
...........................وليل ماطلع صبحه تغلغل في شراييني

أنا يابنت غصن جف ماينبت ولو تسقيه
.....................يبس كل الخضار اللي زمان العشب يحييني

انا ظل حزين ليا انكسر ضوء النهار ابكيه
.......................وعزي فيه احلامك على شاني وعزيني

مدام إن العمر غربة ذبل وجه الليالي فيه
..........................دخيلك لا ادلهم الليل من دوني تناسيني

انا ماشي وإذا باقي من الماضي حنين اخذيه
..........................امانة لمي الباقي من احلامك وخليني

وللجميع تحية

.