*
عبدالعزيز بعد العيد صرت مو مضبوط (:
- تقدّر مودريتش بــ 20 مليون! قلت لك (مودريتش ليس بوبان) وفي السوق لاعبين كثير أفضل منه بمراحل، وبنفس عمره، أوّلهم " ريكاردو مونتليفو " و " ماركيزيو " ولاعب مان سيتي نسيت اسمه.. وفيه لاعب بلجيكي أصغر منهم بيكون حديث الميركاتو في الشتاء، للأسف نسيت اسمه بعد، لاعب ممتاز وأفضل من مودريتش وسعره أقل بكثير وإلا ما كان في خطة الفيولا الشرائية... مطلوب من أكثر من عشرة أندية ألمانية وهولندية لكني أفضل رؤيته في الكالتشيو
- بالنسبة لوضع الفريق النفسي أو التكتيكي فهذا مسألة مختلفة. الانضباط أهم، وميكسس نال ما يستحقه.. بالعكس نادي روما تعتبر إدارته سيئة وتحتاج مثل هذي المواقف الحازمة مع اللاعبين. إذا كانت للاعب رغبة بالرحيل (أي لاعب) فلا شيء يقف في طريقه سواء خصموا منه أو ما خصموا. لابد أن تكون لكل فعل ردة فعل، هذي هي الإدارة السليمة وأنا مع القرار.
- لا، كلام روي كين سليم 100% .. هو يتكلم عن شي وأنت تتكلم الحين عن شي مختلف. صقل الموهبة يختلف عن صناعتها، يعني تقدر تقول كشافين الأرسنال عباقرة مثلاً لكن ما تقدر تقول إن الأرسنال يصنع اللاعبين بنفسه، هذا موضوع مختلف حتى قانونياً. روي كين هو أفضل من يقول هالكلام لأنه كان مع فريق تمت صناعته فعلاً واللاعبين كانوا بمانشستر من البداية بينما ولا لاعب بتشكيلة ارسنال الاساسية أو الاحتياطية من أولاد الأرسنال
للتوضيح: قائمة تسجيل اللاعبين في التشامبينز ليغ لما يجي يقدمها مانشستر (على سبيل المثال) لازم تتكوّن من 25 لاعب، هذي القائمة تتقسم إلى قسمين: 21 لاعب + 4 لازم يكونون من أكاديمية النادي أياً كانت مراكزهم، مثل سكولز وبراون...الخ، بينما الأرسنال ما يقدر يضيف دينلسون من الأربعة رغم وصوله للنادي بعمر 17 سنة، ولا يقدر يضيف فابريغاس رغم وصوله وهو بعمر 16 سنة للنادي ولكنه يضيفهم في قائمة الــ 21 فقط
- المستثمر لو خسر فهي مشكلته، لكن النادي لما يخسر ليه ما يواجه الإقصاء مثل ما يحصل في كل العالم؟ الأندية الإيطالية تعلمت الدرس وصارت تصرف بحذر شديد، مو من العدل يكون نادي مثل مانشستر مديون بـ 700 مليون جنيه ويقدر يدخل الميركاتو بمبالغ ضخمة " بيرباتوف وغيره "!! ما فيه إنصاف.. يعني نادي أطلانطا يقولون بإنه صرف أموال كثيرة هذا الصيف (لم يشتري ولا لاعب قيمته تتعدى 4 مليون) وجدد بعض العقود..الخ الالتزامات المالية المتفرقة، النادي قد يبيع فلوكاري إن وصل سعره 11 مليون فقط ليوازن خزينته بسرعة. طيب ليه أطلانطا مجبور يبيع أحد أفضل لاعبيه لئلا يلاحق قضائياً بينما لم يتخلى مانشسر أو تشيلسي عن أي لاعب وعندهم امتيازات للدفع الميسّر وكل ما يصلهم من الإتحاد الأوروبي حتى الآن مجرد طبطبة على ظهورهم و " لو سمحتوا قلصوا ديونكم شوي "!؟ والانجليز الحين يقولون إن الأوروبيين يكرهونهم ويدورون عليهم الزلة! ههههههه اللي اختشوا ماتوا صحيح، ديونك مليار جنيه وما تبي تدفع وتقول لا تكلموني!؟
- شوف، لوتيتّو حقير.. جمهور لازيو يكرهه لكنه مدعوم من الحكومة وظهره قوي جداً. لوتيتّو ضد الفاشية وهذا سبب تسهيلات الحكومة له وجدولة مديونيات لازيو بهذي الطريقة المريحة جداً، الحكومة ما تبي لازيو (نادي موسوليني المفضّل) يملكه أحد الفاشيين عشان كذا بيمنحون لوتيتو أرض للملعب الجديد مثل ما قدموا له الخلاص من الديون على طبق من ذهب. لوتيتو يقدر يسوي ويقول اللي يبي، الشكوى لله (:
ديلو روسي أنا كنت معجب بعمله مع أطلانطا، ومبهور من عمله في لازيو رغم النقاط المنقوصة ومشاكل الكالتشيو-بولي. الرجل يستحق التباهي ويستحق الكلام والتحدي وحتى نرفزة الآخرين..، أتمنى إنه يتخلص من ماكينوا بس.