المرسل : [ أنا ]
المرسل إليه : [ لا أحد ]
نص الرسالة :
في ذمتك
ما اشتقت لي
في ذمتك ..؟؟
والعشرة اللي بيننا .. ما همتك..؟؟
وإلا الليالي قستك ..؟؟
وإلا نسيت ..؟؟
مشاعرٍ من قبل كفي ضمتك
في ذمتك
*****
من علمك بالجرح فيني تدعي..؟؟
من علمك تفرح بشوفة مدمعي..؟؟
إسأل ليالينا .... وعطرك ... والشموع
مهما تغيب وتبتعد
تبقى معي
ما أدري قريبة جيتك
يا من هويت
وإلا الليالي قستك
وإلا نسيت
مشاعرٍ من قبل كفي ضمتك
في ذمتك..؟؟
*****
كانك تقول أحباب
يا عمري تعال
عانق حنين وشوق
واقع مو خيال
يكفي أمانينا
ذابت في الضلوع
بعدك يا حبيب في دنيتي
غيرك محال
إرجع ترى عن شوفتك
لا ما قويت..لا ما قويت
وإلا الليالي قستك
وإلا نسيت
مشاعرٍ من قبل كفي
ضمتك
في ذمتك ما اشتقت لي..؟؟
في ذمتك..؟؟
عبدالمحسن بن سعيد