*
كم كرت أحمر بمباريات اليوم؟ طرد لاعبين من جنوى، ولاعبين من روما، ولاعب من كييفو، ولاعب من اليوفي، ولاعب من سامبدوريا، ولاعب من كاتانيا. مع هذا اعتقد إنه أفضل أسبوع مر على المتراهنين حتى الآن (:
أنا شخصياً قدرت أحس بنفس احساسهم اليوم، كان من السهل لمتابع الكالتشيو إنه يتوقع فوز سيينا على روما، سيينا ممكن يفوز بأرضه على كل الفرق الكبيرة - ما عدى اليوفي. باليرمو عندهم سمعة الفوز على الفرق الكبيرة بأرضها، وكانوا مرتاحين بوسط الأسبوع من المباريات الأوروبية وسبق وأقصوا من الكأس، يعني احتمالية فوزهم كبيرة إلى حدٍ ما. لكن كيف تتوقع مباراة جنوى؟ خصوصاً ولافيتزي سجل بالثواني الأولى، الشك يراودك طوال التسعين دقيقة، وبيراودك أكثر بعد طرد لاعب جنوى الأول.. وبيحرقك بعد طرد لاعب جنوى الثاني هههههههههههههههه مباراة أعصاب، لافيتزي كاد يطرد فريق كامل من الملعب. مباراة كاتانيا صعب توقعها، ريجينا فريق ما وقف معه الحظ من بداية الموسم وحتى في هذي المباراة " الديربي الجنوبي " يلعب بحماس شديد ضد فريق يراهن على نظامه الصارم.. بعد هجمات لا تعد ولا تحصى لريجينا كاتانيا تسجل الهدف!! يا لكرة القدم، لكن جاء التعادل بالنهاية مع امنياتنا بوقوف الحظ إلى صف ريجينا قبل الشتاء..،
على فكرة، لو بيلارديني أقيل من باليرمو (حسب أمنياتك) ما يقدر يدرب اليوفي إلا بعد نهاية الموسم، حسب نظام الإتحاد الإيطالي. يعني كولانتونو الحين يستلم راتبه من باليرمو، رغم إقالتهم له، حتى نهاية الموسم ولا يقدر يدرب أي فريق في السيريا أي. طبعاً أمنيتك شبه مستحيلة لكن بيلارديني عايش جوّه ولو واصل على هالمنوال ممكن يعيش بربيع، زامبريني سخي على اللي يرضى عليه