*
بو سعود..
الظاهر إنها بداية الحرب بيني وبينك هههههههههههههههه
أولاً: لا، بنختلف على عظمة رونالدينيو، أنا ما أعتبره لاعب wow وظاهرة وأسطورة...الخ، مجرد مهرج وممكن نتناقش بالموضوع ونعرض أرقام ونسويها قضية لكن ليه؟ بما أنك مستانس منه فالله يديمها، بأتركه بس عشانك (:
ثانياً: تعرف الفرق بين راتب باتو وراتب باولوسكي؟ أنا اعتمد على اللاعب بما أن بيني وبينه إتفاق (عقد ضخم) يقول لي أنّه ولد يُعتمد عليه. هو عندهم من الصيف، وجلس إلى فترة الشتاء بين أفضل المدربين بالعالم يتجهّز وتعوّد على أجواء المدينة وكوّن صداقات مع اللاعبين، غير تأقلمه السريع مع البرازيليين الكثر بالميلانيتو.. يعني آخر حلاوة. الضغوط اللي أشرت لها جزء من اللعبة، ماهي حجّة
بالوتيلي وباولوسكي بدأوا بنفس الطريقة الحالمة لباتو، سجلوا في ظهورهم الأول وواصلوا التسجيل رغم أن رواتبهم رواتب ناشئين ولو تجمع دخلهم سوا الموسم الماضي ما يساوي راتب شهر واحد لباتو. بصراحة حاولت ألقى أفضلية ولو بسيطة " للبطة البيضاء " على باولوسكي وبالوتيلي ما لقيت، بالعكس تماماً! لقيتهم يفوقونه بالأرقام وحتى بالمستوى - إذا حسبناها من 1/1/2008
ثالثاً: وهو الأهم عندي (:
كريسبو لازال مفخرة عند مشجعي الريفربيليت، لازال أحد أيقونات بارما، لازال يعتبر أسطورة من أساطير لازيو، لازال الإنجليز يتحسرون عليه، لازال جمهور الميلان يموتون فيه، ولازال واحد من أكبر اللاعبين في تاريخ الإنتر - وإلا ما ضغطوا على الإدارة تصلح غلطتها وترجعه من تشيلسي. حظه سيء بس، حظّه جداً جداً سيء. غلطته راح البريميرليغ، وعلى عكس فيرون، ما قدر يصلح هالغلطة بسرعة. حتى بالمنتخب كان حظه سيء، وجود باتستوتا ضيّق عليه وضيّق وضيّق، وكانت غلطة العمر إن باتستوتا لعب مونديال 2002 وهو بهالعمر، الكل في الأرجنتين يقول، حتى أبناء البوكا: لو (ولو من عمل الشيطان) لو اعتزل باتي دولياً، ولو لعب كريسبو، لو لعب كريسبو ما طلعنا من الدور الأول.
انتقالاته الكثيرة ما تعيبه، لاعب عظيم ومطلوب في كل ميركاتو، بمبلغ كبير جداً انتقل من الريفر، 54 مليون انتقاله من بارما، 38 مليون + دييغو سيموني (العظيم سيموني) انتقاله من لازيو، ومبلغ مماثل لإنتقاله من الإنتر، هذي مبالغ ماهي بسيطة.. وأولاً وأخيراً الرجل يبحث عن مستقبله والأندية اللي تجيها هذي العروض الضخمة تبحث عن موازنة ميزانياتها والتربّح. ما فيه لاعب حرّك السوق بهالأرقام الفلكية مثل هيرنان كريسبو. وبعدين لا تنسى إن الشركة اللي كانت تملك بارما اشترت لاعبين كثير بأسعار خيالية، كان لازم تبيع - بالنهاية فلّست الشركة وراح النادي بستين داهية. ولازيو نفس الشي، فلّس وكان محظوظ جداً بالامتيازات والتسهيلات اللي حصل عليها، والإنتر باعوه غصب عنه تقريباً، حتى فييري كان غاضب بطريقة بربرية من بيع كريسبو وهالمشكلة وضعت حد لشهر العسل المطوّل بينه وبين موراتي، وفي تشيلسي واجه صعوبة بالتأقلم رغم وجوده مع صديق العمر " فيرون "، حصلت حادثة أنهم كانوا رايحين لمباراة وتعرضن زوجاتهم للسرقة في البيت تحت تهديد السلاح وتربيط وزحمة.. حالتهم حالة يعني. الولد ما كان من نوع " اللي يتقوّز امّي اقول له يا عمّي "، بالعكس كان عاشق ومحب واندمج بسرعة مع جماهير وإدارات ولاعبين كل الأندية اللي لعب فيها. عموماً، باقي له 18 هدف في الكالتشيو أعتقد ويدخل نادي الميتين، أتمنى أن الظروف ما تحبطه ولا يعانده الحظ أكثر من كذا ويسجّلهم قبل اعتزاله، أتمنى (: