[دموع الغيد]

لقلبكم الصادقه

نزفي الجديد






[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على طار الهوى ودي وما ودي =أبي قلبن يزلزلني ومن قدي

إذا محتال قلبي واختلس صدفه =وشفته بين كل الناس متعدي

يناظرني واصد بشيلتي عنه=أخاف أن الهوى يتخثر بخدي

و(تندسني) رفيقه:وش بلا حالك=واشد براحتيها من وله يدي

تمر أيام ..تسألني ..عن العابر=وأنا أتنهد هواه ولا لقت ردي

أحسه يجري بدمي بعد نظره=اجل وش لون لا شفته على وعدي

صدوف الوقت تجمع من تحراها =وأشوفه من جديد يكابره صدي

تدن دن لي عيونه من وله ساكن=ويدق القلب لحساسه ولا يهدي

يقول: أرجوك لحظه غايتي لحظه=بها بشكي هواي ويتضح سدي

أقول: أفلان تكفا لا تطولها = علامك ما تمييز مزحي وجدي

يقول: بصدق بعدك ما هويتيني =أقول: أفلان بعدي للأسف بعدي

واصد بشيلتي عنه وأنا كلي=يخاف أن الهوى يتخثر بخدي[/poem]



دموع الغيد