أحبة الحرف
أسعد الله مساءاتكم صباحاتكم بكل خير
لي الجرح ولها السعادة ولكم القصيدة
تبي أرسم بلا ريشة ولا لوحة ولا ألوان &&&& تبي أمشي على شوكك وأغنيلك وأنا حافي
تبي تدفا على ضوي وأموت بحسرتي بردان&&& تبي تحرم يديني لمستك والبرد بأطرافي
تبي تكسر مجاديفي وأنا في غبتك غرقان &&&& تبي أضعف على إيدينك قسم مااضعف وأنا الوافي
تبي ظلمك يغطيني بلا عدل وبلا ميزان &&&& حسبتك قوتي وأثرك جيت لإضعافي
تبي تكذب وأنا أصدق تبي حقك بلانقصان &&&& عجيبة ضحكتك تضحك وأنا أشرب حزن صافي
على كتفي رقى همك وأنا مرهق وأنا تعبان &&&& وأنا ماضقت بحمولك ولا ضاقت بك أكتافي
أنا متعب أبي قلبك أبي روحك أبي إنسان &&&& أبي حزنك يبكيني إلين أقول له كافي
أبي دمعك يبللني وأنا دمعي بعد هتان &&&&& أبي أجبر كسر هالحب حتى يقوم ويشافي
مدينة هم يا عمري وأنا وقلبي بها سكان &&&&& يطوف الضحك من جنبي ولا أدريبه إذا طافي
نسيت الهم لعيونك تذكرت الغنا والدان &&&&& نسيت أنك سبب يأسي نسيت أنك بعد جافي
أنا رديت لعيونج وقبلي قالها فنان &&&&& جريح الصوت غناها يوم الفن متعافي
تموت السلهمة بعيون يحيا طرفك النعسان &&&&& صباح العشق يا توت صحا ومن الدلع غافي
يهون الشعر ولا ينكسر لك داخلي قيفان &&&&& تطيح الناس من قلبك وأنا باقي بمشرافي
تبي موتي أنا ميت هوى لأجلك ولاندمان &&&&& تبي قلبي نعم حاضر ولا تبعد ولا تجافي
مع أرق التحايا
الموقع أدناه
بدر فاضل